Vawiin ni 27.4.2023 (Ningani) hian CMO chamber-ah Pu John LT Sanga, Deputy Commissioner, Kolasib District kaihhruainain Meeting neih a ni.

He meeting ah hian CMO, DMS, DIPRO leh CMO staffs pali an tel a. Tunlaiin India ram hmun hrang hrang a Covid-19 rawn awm thar leh chungchangah Mizoramah pawh case a awm leh tan avangin District tin ten hmalakna kan neih theih dan tur ruahmanna awm thei te sawi a ni.

Tun dinhmunah chuan Kolasib District ah Covid-19 case a awm lo a, Covid-19 kai inringhlel tan RAgT hmangin District Hospital, leh CHC leh PHC leh HWC/SC ah te test theih a ni.