Nimin ni 29 May, 2024 (Nilaini) khan Addl. SP Pu C.Lalsawta khaihhruaina in SP Kolasib District Conference Hall, Khuangpuilam ah NTCP Staff ten Kolasib DEF te hnenah Vaihlo, Zu leh Ruihhlo  thatlohna leh Rimtawngna (Stress) hmachhawn dan chungchang in zirtirna hun an hmang.

     Programme hi Session 2 a hman niin, Session 1-na hi dar 11:00 am a tan a ni a, Addl. SP in Programme sawi hawnna hun a hmang. Pu ZT Vawra Hmar, District Consultant, NTCP in kalkhawmte COTPA dan chungchang zirtirna hun a nei a. Pi Sylvia Zomuanpuii, Social Worker, NTCP in  "Vaihlo That loh Zia leh A Sim Dan Chungchang Inzirtirna" tih thupui hmangin Vaihlo zuk leh hmuam in rilru leh taksa a nghawng a neih nasat dan leh sim tum te tan a an hriat tur points hrang hrang a sawi lang bawk.

     Session 2-na hi dar 12:30 Pm a tan niin Emmanuel R.Hmingthantluanga, Psychologist, NTCP in topic 2 "Awareness on Health Effects Of Alcohol & Drugs" leh "Stress Management for Kolasib DEF" hmangte in kalkhawmte zirtirna a pe bawk. 

     Hemi Awareness Campaign atan hian Addl. SP, Kolasib chuan Kolasib District chhung a Duty Post hmun hrang hrang atangin Staff zirtirna mamawh zual deuh mi 18 bawr vel a thlang chhuak a ni.

     Hemi ni vek hian 1st Battalion IR, Mualvumah One day in service Training Health Awareness Campaign neih pahin  World No Tobacco Day  hi hman a ni bawk a. Dr. Zairemmawii, Sr. Medical Officer, Kawnpui PHC in hun hmangin  Alcohol and Drugs awareness campaign a nei nghal a ni.