Ni 7 March, 2025 ( Zirtawpni) khan MHSSP, Health & Family Welfare Department buatsaihin natna inkaichhawn theih loh natna B.P Sang, Zunthlum, Stroke, Cancer leh Heart Attack lakna invenna a tan Walkathon-2025 ( Walk for Health) Ke a kal runpui buatsaih a ni. 

     He Walkathon hi zing dar 9:00 ah Kolasib Venglai YMA Park-ah tanna hun Dr RK Lalthlamuana, Sr. CMO, Kolasib kaihruaina hnuaiah neih niin,  Pu Robert C Lalhmangaiha MCS, Deputy Commissioner, Kolasib District  in Walkathon hawnna leh hriselna atana  thuchah a sawi bawk a ni.  Hawnna hun hman zawh a nih hnu hian Venglai YMA Park atanga kal tanin Diakkawn field thleng Kawng zawh a ni a, he Kawng zawh ah hian mipui 1000 chuang an tel thei a ni. Kawng zawh zawng zawng te hi Tshirt "Walk for Health" tih inziak pek an ni a, kawng zawh tawpnaah hian kawngzawh zawng zawngte eitur Dawnfawh pek vek an ni.