Vawiin ni 11th March, 2025 (Thawhlehni) hian NEEPCO, Tuirial HEP in an Corporate Social Responsibility (CSR) atangin Kawnpui PHC, Kolasib District tana hman turin Ambulance (Force Motor) Nuai 15 man bawr vel chu Dr. RK.Lalthlamuana, Sr. CMO Kolasib hnenah an hlan.

     He Ambulance hlanna hun hi Sr. CMO chamberah neih niin, NEEPCO, Tr. HEP atangin Dulal Chandra Saikia, General Manager (Tech), J. Nandy, GDM (HR) leh L. Pachuau, DM (C) ten an rawn tel a, Health Deptt. lam atangin Dr.RK.Lalthlamuana, Sr. CMO, Dr. Sammy Lalfakawma Fanai, DMS leh Mr. C.Lalrinzuala, EE te an tel a ni.

     NEEPCO Tuirial HEP hian hun hmasa lamah Sub Centre a hman tur Domestic Frigge 140 litres pali (4) leh Medical Equipments (ECG Machine, Cardiac Monitor, Phisio Therapy Materials..etc Rs.4,50,000/- man vel Vairengte CHC a hman tur an lo pe tawh a, nikum ni 22nd October, 2024 khan District Hospital, Kolasib a hman turin Ambulance pakhat an lo pe tawh bawk a, tunah hian Ambulance dang pakhat dil leh mek a ni.

     Hetianga NEEPCO Tr. HEP in Kolasib District mipui a mamawh te tana hman tur Ambulance leh thildang man tam tak an pe hi Sr. CMO Dr.RK.Lalthlamuana chuan NEEPCO Tr. HEP te chuangah thinlung takin lawmthu a sawi a ni.